පළිය ගන්න පියාගෙන් ඇසිඩ් ප්‍රහාරයක්.
අද (06) උදෑසන රත්නපුර මහාධිකරණ සංකීර්ණය අසල දී පුද්ගලයින් පිරිසකට ඇසිඩ් ප්‍රහාරයක් එල්ල කර තිබේ.
එම ඇසිඩ් ප්‍රහාරයෙන් පුද්ගලයින් තිදෙනෙකු තුවාල ලබා රත්නපුර ශික්ෂණ රෝහලට ඇතුළත් කර අති බව “අද දෙරණ” වාර්තාකරු පැවසීය.
රිය අනතුරක් සම්බන්ධ නඩුවක් සඳහා පැමිණෙමින් සිටි පුද්ගලයෙකු ඉලක්ක කර එම ඇසිඩ් ප්‍රහාරය එල්ල කර ඇති අතර ඉන් එම අවස්ථාවේදී මාර්ගයේ ගමන් කරමින් සිටි දරුවන් දෙදෙනෙක්ද තුවාල ලබා ඇති බව වාර්තා වෙයි.
ඇසිඩ් ප්‍රහාරයට ලක්ව ඇත්තේ පසුගිය වසරේ සිංහල අලුත් අවුරුදු දා රත්නපුර සමන් දේවාලය අසල සිදු වූ මාරක රිය අනතුරේ ප්‍රධාන සැකකරු බව හඳුනාගෙන ඇත.
ඇසිඩ් ප්‍රහාරය එල්ල කළ බවට සැකපිට අදාළ රිය අනතුරෙන් මියගිය තරුණයාගේ පියා රත්නපුර පොලීසිය විසින් අත්අඩංගුවට ගෙන තිබේ.
